• 2 msk rifin engiferrót
• safi úr 1/2-1 sítrónu
• 1/4-1/2 tsk cayenna pipar
• 1 lítri af soðnu vatni

Mæli með þessum töfradrykk, hann hjálpar mér!

• 1 msk kókosolía
• 2 laukar skornir í þunna strimlar
• 3 pressuð hvítlauksrif
• Ca 1/2 kg niðurskorið grænmeti, ég nota ákveðna stærð af skál sem passar vel en er ekki alveg viss um að það sé 1/2 kg. Best finnst mér að nota sætar kartöflur, hvítkál, rauðkál, blómkál, brokkolí, sveppi, gulrætur, papriku og ef ég er í þannig stuði set ég ólífur líka.
• 1 tsk sjávarsalt
• 1 tsk oregano
• 1 tsk basil
• 1/2 tsk timian
• 2 msk tómatmauk
• 1 ds tómatsúpa frá LaSelva
• 1 ds niðursoðnir tómatar (má líka sleppa LaSelva og setja 2 ds niðursoðna tómata í staðinn)
• 800-1000 ml vatn (fer eftir hversu mikið grænmeti ég set í súpuna)
• 3 gerlausir grænmetisteningar

1. Hitið olíuna í potti og mýkið lauk og hvítlauk í pottinum.
2. Bætið grænmetinu öllu út í og kryddið (ef þið eigið ferskar kryddjurtir er um að gera að nota þær frekar).
3. Setjið tómatmaukið útí og blandið saman.
4. Setjið síðan tómatsúpuna, niðursoðnu tómatana, vatn og grænmetiskraft útí og látið malla í hálftíma.
5. Um að gera að smakka súpuna, oft bæti ég aðeins við af kryddi, sérstaklega basil og oregano.

Það er vissulega hægt að bæta út í til dæmis afgangi af kjúkling, kjúklingabaunum eða nýrnabaunum og bæta því við þegar súpan er búin að malla í 20 mínútur og láta sjóða með í 10 mínútur.

Ef maður er flottur á því er hægt að setja ferskt basil út á hjá þeim sem vilja, ristaðar furuhnetur og parmesanost eða bara venjulegan rifinn ost.

Vá, hver hefði trúað því fyrir tveimur til þremur árum að ég væri farin að gefa uppskriftir á vefnum. Ég sem hef forðast eldhús eins og heitan eldinn þangað til fyrir nokkrum mánuðum síðan. Það eiga sem sagt allir von ...

• 100 gr kókosmjöl
• 100 gr hnetur (ég notaði pekanhnetur í aðra og möndlur í hina)
• 30 gr. hreint kakóduft
• 250 gr döðlur
• 1-2 msk agavesíróp eða vatn (ég notaði bara agavesírópið)

Þessu skelli ég öllu í matvinnsluvélina og blanda þar til þetta hangir það vel saman að maður getur mótað litlar kúlur. Þeim velti ég svo upp úr kókosmjöli, má alveg velta upp úr kakódufti en mér finnst það ekki eins gott. Svo geymi ég þetta bara í frysti, má líka vera í ísskáp. Takk Solla fyrir frábært nammi!

• 125 gr spelt (50 gróft og 75 fínt)
• 50 gr haframjöl
• 1/2 tsk vínsteinslyftiduft
• 1/2 tsk sjávarsalt
• 1 dl rúsínur
• 2 eggjahvítur
• 2 1/2 dl sojamjólk
• 1/2 dl ólífuolía

Notaði svo aðferðina hennar Sollu sem er að blanda þurrefnum í eina skál og rest í aðra. Setja svo blauta dótið út í þurra og hræra stöðugt á meðan. Spreyjaði svo pönnu með vegetable oil og lét hana hitna og bjó til litlar skonsur. Þær urðu heldur stórar í upphafi en okkur Öddu sys reiknaðist til að úr þessu hefðu getað orðið 20 litlar skonsur. Adda hjálpaði mér sem sagt að búa til þessa uppskrift svo við eigum hana saman   Þetta er rosalega gott með osti og á tyllidögum er gott að setja hlynsíróp ofan á. Endilega látið mig vita ef þið prófið þetta.